YR YSGOL
Ysgol gynradd siriol, naturiol ddwyieithog
yw hon ar gyrion pentref Pennant, ar y ffordd o Giliau Aeron i
Lanon. Mae ynddi ddwy ystafell ddosbarth, swyddfa a chegin fechan
ac mae buarth bychan ger yr ysgol. Mae ganddi llain werdd fechan
a thoiledau mewnol.Ysgol wledig Fabanod/Iau ddwythieithog i blant
rhwng 4 ac 11 mlwydd oed yw hi. Mae nifer y plant yn amrywio rhwng
25 a 35.
CYFEIRIAD
Ysgol Gymunedol Pennant
Pennant
Llanon
Ceredigion
SY23 5PA
Ffon:(01545)570661 Ffacs:
E bost-prif@pennant.ceredigion.sch.uk
Safle We-www.pennant.ceredigion.sch.uk
STAF
Prifathro : Mr.G.R.Davies
Athrawes : Mrs.B.Lloyd
Athro/Athrawes 0.05 : Mrs.A.Jones
Cynorthwywraig Mrs.M.R.Lloyd
dysgu :
Cynorthwywraig
dysgu: Mrs.J.Jones
ATHRAWON TEITHIOL
Anghenion Addysgol Ychwanegol : Mrs.J.Davies
Cymraeg : Mrs.A.Evans
Offerynnol : Amryw
STAFF ATEGOL
Prydau Ysgol : Mrs.L.Davies
Goruchwylwraig
Mrs.M.R.Lloyd
Canol Dydd/
Arian Cinio :
Clwb Brecwast: Mrs.J.Jones
Mrs.M.Lloyd
Glanhawraig : E.Edkins
LLYWODRAETHWYR
Mae Corff Llywodraethwyr yr ysgol yn cwrdd
yn rheolaidd i drafod materion sy'n ymwneud a chynnal a chodi
safonau o fewn yr ysgol.
Cadeirydd y corff yw Mr.O.Evans
ORIAU'R YSGOL
Babanod : 9:00yb-12:00yp
1:00yp-3:30yp
Plant Hyn :9:00yb-12:00yp
1:00yp-3:30yp
Mae'n bwysig fod y plant yn mynychu'r ysgol yn rheolaidd ac i
amser.Os yw eich plentyn yn absennol fe fydd angen alwad ffon
a llythyr yn egluro'r absenoldeb.
TREFNIADAETH
Mae'r plant yn cael eu dysgu yn ol eu hoedran mewn dosbarthiadau cymysg eu gallu.
Dosbarth Babanod : Plant 4-7 oed (Cyfnod Allweddol
1)
Dosbarth Iau : Plant 7-11 oed (Cyfnod Allweddol 2)
Trefnir y ddau ddosbarth mewn grwpiau cymysg o ran gallu. Derbynnir plant y tymor sy'n dilyn eu penblywdd yn 4 oed. Mae pob athro/athrawes yn gyfrifol am ddatblygiad cyffredinol ei ddosbarth/dosbarth. Dysgir rhai agweddau o'r gwaith yn bynciol er mwyn atgyfnerthu sgiliau mewn meysydd arbennig e.e. Mathemateg.Gofynnir i rieni darpar ddisgyblion drefnu cyfweliad a'r Prifathro ymlaen llaw.Llenwir ffurflen dderbyn yng ngwydd y rhieni.
TREFNIANT DYDD GWENER
Mae'r disgyblion yn mynychu Ysgol Llannon ar ddydd Gwener fel rhan o drefniant CPA llwyddiannus sy'n bodoli rhwng ysgolion Cilcennin, Pennant a Llannon. Mae bws yn cludo a dychwelyd y disgyblion ond mae'r dydd yn gorffen am 3 o'r gloch er mwyn sicrhau bod y plant nol ym Mhennant erbyn 3:30yp. Mae hyn yn golygu bod cyswllt a monitro anffurfiol wedi bod yn digwydd ers amser a braf yw cael barn athrawon a staff eraill y clwstwr ar safonau, ymddygiad a datblygiad moesol a chyffredinol y disgyblion.
TREFNIANT PENNANT/CILCENNIN
Ers Mis Medi 2006 mae ysgol Cilcennin wedi
bod o dan arweiniad pennaeth a gofal Mr G R Davies, yn dilyn cyfnod
o salwch ac yna ymddeoliad y pennaeth Mr D Sweeney. Mae'r sir
yn ariannu un ddiwrnod o gyflenwi ar gyfer y trefniant a chymerir
un bore yr un gan Mr Davies a Mrs Evans.
Mae Mr Davies yn rhannu ei amser yn y ddwy ysgol drwy ymweld a'r
ysgol unwaith yr wythnos (bore). Hefyd Mae Mr Davies yn ymweld
a'r ysgol yn ol yr angen ee. cyfarfodydd, cwrdd a rhieni / llywodraethwyr
ayyb. Mae'r ddwy ysgol yn cysylltu'n ychwanegol drwy alwadau ffon,
e bost ac yn y blaen.
Mae'r trefniant o rannu pennaeth a'r trefniant CPA wedi gweithio'n
dda ar y cyfan ac mae'r llywodraethwyr a'r rhieni yn gefnogol.
Hefyd mae'r adborth o ganran sylweddol y disgyblion wedi bod yn
bositif. Mae'r trefniant yn golygu bod y ddwy ysgol (tair ar ddydd
Gwener) yn cyd weithio'n agos ar nifer o agweddau ac yn elwa o
rannu cyfrifoldebau / arbenigedd staff. Mae ysgol Cilcennin bellach
yn rhannu'r Ganolfan Hamdden a'r Pwll Nofio ag ysgol Pennant.
Yn ogystal trefnir nifer o weithgareddau, ymweliadau addysgiadol,
tripiau maes, ymweliadau preswyl, cystadleuaethau clwstwr / cylch
ar y cyd gan gynnwys mabolgampau yn nhymor yr Haf. Heb os mae
hyn wedi datblygu sgiliau cymdeithasol nifer o ddisgyblion.
DIOGELWCH
Mae gan yr ysgol furiau i'r cefn a ffens uchel i'r blaen.Un mynediad sydd i'r campws ac mae'r glwyd yn gadarn a chryf.Rhaid i bob ymwelydd adrodd i aelod o staff wrth gyrraedd a gwisgo bathodyn swyddogol os yw'n berthnasol.Yn anffodus mae'n rhaid i'r disgyblion groesi'r iard ar ben eu hunain wrth fynd i'r toiledau yn ystod y dydd.Mae un aelod o staff yn gofalu am y plant ar yr iard bob amser chwarae ac amser cinio.Cynhelir drill tan bob tymor ac adroddir hyn i'r llywodraethwyr.
CLWB BRECWAST
Mae'r ysgol yn cynnig clwb brecwast yn rhad ac am ddim i ddisgyblion
o ddydd Llun tan ddydd Iau. Mae brecwast ar gael o 8 - 8:40yb.
Mae brecwast ysgafn ar gael yn Llannon ar ddydd Gwener ar ol i'r
disgyblion gyrraedd.
EICH PLENTYN A'R YSGOL
Rydym yn falch i gael eich plentyn gyda ni yn yr ysgol.Rydym am i bob plentyn deimlo'n hapus ac yn ddiogel yn nheulu 'r ysgol.Rydym hefyd am i'ch plentyn wneud cymaint o gynnydd ag sy'n bosibl.Bydd pob aelod o'r staff yn gwneud ei gorau glas er lles pob plentyn yn ddiwahan. Os fydd eich plentyn yn anhapus ynglyn a rhywbeth,yna rhowch wybod i ni ar unwaith.
CATEGORI'R YSGOL
Mae'r ysgol wedi ei phenodi o fewn Categori A yn polisi Iaith
Ceredigion.Nod Polisi Iaith yr Awdurdod yw addysgu disgyblion
i fedru bod yn gwbl ddwyiethog yn y Gymraeg a'r saesneg erbyn
gadael yr ysgol gynradd.Yn ol y polisi Iaith mewn Ysgolion Categori
A yng Ngheredigion, y Gymraeg yw prif gyfrwng bywyd a gwaith y
plant yng Nghyfnod Allweddol 1 er mwyn iddynt gael sylfaen gadarn
yn yr iaith.Cyflwynir Saesneg yn stadudol wrth i'r plant drosglwyddo
o'r adran babanod i'r adran iau.
DERBYN PLANT
Mae'r ysgol yn cydymffurfio'n llwyr gyda pholisi'r
AALl.Derbynir disgyblion os ydynt yn cael eu penblwydd yn ystod
y tymor cyn y dyddiadau isod :
Ionawr 1af
Ebrill 1af
Medi 1af
Mae ffurflenni derbyn ar gael o'r ysgol.Dylid anfon y ffurflenni
i'r AALl cyn i'ch plentyn/plant ddechrau'r ysgol.
GWYLIAU TEULUOL A GYMERIR ADEG TYMOR
Fel arfer, ni ddylai rhieni/gwarcheidwaid gymryd disgyblion ar wyliau adeg tymor, a pholisi Awdurdod Addysg Lleol Ceredigion yn eu hannog i beidio â gwneud hyn. Yn ôl Rheoliadau Presenoldeb Ysgol (Cofrestru Disgyblion) 1995, mae gan ysgolion hawl ddewisol i ganiatáu gwyliau teuluol blynyddol adeg tymor, ar yr amod fod yna amgylchiadau arbennig ar gyfer y cais, a bod y cais wedi'i gyflwyno ymlaen llaw gan y rhiant/gwarcheidwad sy'n preswylio gyda'r plentyn fel arfer. Dim ond y pennaeth all ganiatáu'r absenoldeb hon ond peidiwch â disgwyl i'r pennaeth dderbyn eich cais yn otomatig. Hefyd, nodwch mai dim ond mewn amgylchiadau eithriadol y gellir caniatáu absenoldeb o fwy na 10 niwrnod ysgol o fewn unrhyw flwyddyn ysgol.
Bydd y pennaeth yn ystyried pob cais am absenoldeb gwyliau yn ofalus iawn gan gymryd i ystyriaeth oedran y disgybl, amseru'r gwyliau a hanes presenoldeb y disgybl. Yna, gwneir penderfyniad a ddylid rhoi caniatâd neu beidio. Os cymer y rhieni eu plentyn i ffwrdd ar wyliau heb ganiatâd cytuniedig y pennaeth, yna bydd yr absenoldebau hyn yn rhai anawdurdodedig a chânt eu hadrodd yn ôl i'r Awdurdod Addysg Lleol.
Petai'r ysgol yn caniatáu gwyliau adeg tymor, byddwn yn gofyn ichi drafod ffyrdd gyda'r pennaeth o gynorthwyo'ch plentyn i ddal i fyny â'r oriau addysg a gollwyd (50 awr ar gyfer gwyliau 10 niwrnod).
CASGLU DATA
Mae'r ysgol yn casglu gwybodaeth am ddisgyblion a'u rhieni / gwarcheidwaid wrth i'r disgyblion gael eu derbyn i'r ysgol ac at ddibenion penodol yn ystod y flwyddyn ysgol.Gwneir pob ymdrech i sicrhau bod y data a gesglir yn gywir ac yn ddiogel.Mae gan unigolion hawliau penodol i gael gweld yr wybodaeth bersonol a gedwir amdanynt ac mae'r rhain wedi'u hamlinellu y nein hysbysiad prosesu teg.Rhoddir copi o'r daflen hon i bob rhiant pan fydd y disgybl yn cael ei dderbyn i'r ysgol gyntaf.
AMCANION YR YSGOL
I roi sylw unigol i bob plentyn.
I sicrhau fod pob plentyn yn datblygu ac yn gweithio i eithaf
eu gallu.
I greu awyrgylch deuluol hapus mewn amgylchedd ddeniadol.
I sicrhau fod yna berthnas agos rhwng y cartref a'r ysgol.
I feithryn meddyliau bywiog ac ymchwilgar gan gynnwys y gallu
i holi a dadlu'n rhesymegol ac ymroi i dasgau.Dylent hefyd ddatblygu
medrau corfforol.
I ddatblygu dealltwriaeth,gwybodaeth a medru sy'n berthnasol i
fywyd oedolion a chyflogaeth mewn byd sy'n newid yn gyflym.
I ddefnyddio iaith a rhif yn effeithiol.
I feithryn gwerthoedd moesol personol, parch at werthoedd crefyddol
a goddefarwch at hiliau a chrefyddau eraill o fyw.
I ddeall y byd y maent yn byw ynddo a chyd-ddibyniaeth unigolyn,grwpiau
a chenhedloedd.
I werthfawrogi cyflawniadau a dyheadau dynol.
DISGYBLAETH A RHEOLAU'R YSGOL
1. O fewn yr ysgol,anogir y plant i barchau aelodau'r staff bob
un,eu cyd-ddisgyblion ac eiddo.
2. Ni ddylid byth fynd tu allan i ffiniau'r ysgol heb ganiatad
yr athrawon.
3. Dylid bob amser roi ysbwriel mewn biniau.
4. Pan feicir i'r ysgol,ni chaniateir 'r plentyn ddefnyddio'r
beic ar faes chwarae'r ysgol.
5. Dylid ysgrifennu enw'r plentyn yn glir ar ei ddilad, yn enwedig
cotiau, esgidiau ysgafn ac ar
esgidiau glaw.
6. Ni chaniateir bwyta melysion na gwm cnoi tu fewn i ffiniau'r
ysgol.
7. Ni ddylid dod a photeli gwydr i'r ysgol.
CONTRACT YSGOL
Ceir gopi o reolau'r ysgol yn llawlyfr cyswllt
y disgyblion sy'n cael'i dosbarthu ar ddechrau bob blwyddyn addysgiadol.Mae'r
llawlyfr yn cynnwys hefyd,gopi o GYTUNDEB YSGOL/DISGYBL/CARTREF.Arwyddir
y cytundeb ar unwaith ond os oes rhiant yn pryderu am y cytundeb
yna dylid cyslltu a'r Prifathro er mwyn trafod y mater.
Y CWRICWLWM
Mae'r Addysg i blant dan 5 wedi'i ddosbarthu i fewn i 6 maes sy'n canolbwyntio ar ddatblygu sgiliau sylfaenol o fewn iaith, mathemateg a datblygiad personol. Yng Nghyfnod Allweddol 1, gosodir prif sylfe dysgu. Datblygir y sgiliau hanfodol o gyfathrebu, llythrennedd a rhifedd.Bydd y plant yn dysgu sut i arsylwi, gwrando, ymateb a datblygu fel aelodau gofalgar o'n cymuned. Yng Nghyfnod Allweddol 2 datblygir y sgiliau a nodir uchod ymhellach ond caiff y plant eu hannog i ddatblygu hunan-hyder, annibyniaeth wrth ddysgu a sgiliau uwch mewn amrywiaeth o sefyllfaoedd.Y mae'r ysgol yn amcanu i ddatblygu y cwricwlwm Cenedlaethol trwy bolisi traws-gwricwaidd ac yn mabwysiadu y dull thematig o gyflwyno lle mae'n bosibl.Mae'r Cwricwlwm yn cynnwys y pynciau craidd sef Mathemateg, Gwyddoniaeth, Cymraeg, Saesneg (Cyfnod Allweddol 2 yn unig) a'r pynciau sylfaenol sef Technoleg Cyfathrebu Gwybodaeth, Technoleg, Hanes, Daearyddiaeth., Cerddoniaeth, Celf, Addysg Gorfforol ac Addysg Grefyddol.
SUT I WNEUD ACHWYNIAD
Dylid trafod pob cwyn gyda'r athro/athrawes a'r prifathro yn y lle cyntaf..Gwneir pob ymdrech i ddatrys y mater yn anffurfiol o fewn yr ysgol.Os na fyddai hynny wedi profi'n bosibl ,dylid anfon cwyn ysgrifenedig i'r ysgol a bydd y Prifathro yn rhoi gwybod i Gadeirydd y corff Llywodraethol a fydd wedyn yn mynd a'r mater ymhellach.
CAU'R YSGOL YN YSTOD TYWYDD GARW
Gwneir pob ymdrech i gadw'r ysgol ar agor.Os
bydd anawsterau fel eira neu dywydd garw iawn a gofod cau'r ysgol
yn gynnar, rhoddir gwybod i'r rhieni a'u cynghori i godi'r plant.
POLISI ABSENOLDEB
Os ydy plentyn yn absenol o'r ysgol mae'n angenrheidiol
i'r rhiant/gwarcheidwad anfon nodyn i'r ysgol i egluro'r absenoldeb.Mewn
achosion o absenoldeb aml iawn, rhaid i'r Prifathro anfon gwybodaeth
i'r Swyddfa Addysg.
Mae ffurflenni ar gael yn yr ysgol i blant sydd yn mynd ar wyliau
swyddogol yn ystod amser ysgol.Dylid cwblhau'r ffurflenni hyn
cyn cyfnod y gwyliau a'u dychwelyd i'r ysgol.
Mewn achosion pan fydd rhaid i rieni/gwarcheidwad fynd a'u plant glinigau deintyddol neu feddygol, rhyddheir y plant o'r ysgol ar gyfer yr apwyntiad. Gofynnir i rieni/gwarcheidwad beidio cadw plant gartref drwy'r dydd mewn achosion o'r fath os oes modd osgoi hynny.
POLISIAU PYNCIOL
Mae ffeiliau polisiau a chynlluniau gwaith pob pwnc ynghyd a ffeiliau'r Cwricwlwm Cenedlaethol ar gael yn yr ysgol.
IAITH
Cymraeg yw prif gyfrwng bywyd a gwaith yn Nosbarth
y Babanod ond bydd athrawon yn gofalu am gynnydd yn saesneg hefyd.
Mae Cymraeg a Saesneg yn cael eu defnyddio gyda'r plant hyn fel
y bydd cyfle ganddynt i ddatblygu cymwysterau cyfartal yn y ddwy
iaith erbyn y byddant yn gadael yr ysgol gynradd. Gwneir darpariaeth
arbennig ar gyfer y disgyblion hynny sy'n hwyr ddyfodiad i ysgolion
Ceredigion.Anogir yr hwyr ddyfodiaid i fynychu cyrsiau yn y Ganolfan
Iaith leol er mwyn datblygu hyder yn yr Iaith.Gwneir darpariaeth
arbennig hefydar gyfer disgyblion sydd wedi cael eu hasesu yn
swyddogol yn rhai sy'n dioddef o anawsterau dysgu.
ANGHENION ADDYSG YCHWANEGOL
Rhaid cydnabod bod angen sylw arbennig ar ambell
blentyn oherwydd anghenion addysgol neu anabledd.Caiff y plentyn
yr un cyfle a phawb arall i integreddio'n llwyr ym mywyd yr ysgol.
Gall plentyn sydd ag angen llawer o hyffordiant unigol gael ei
grybwyll at wasanaeth addysg arbennig yr awdurdod ar ol trafod
gyda'r rhieni. Caiff yr ysgol wasanaeth athro/athrawes beripatig
i helpu plant sydd ag anghenion arbennig.
Mae'n bosibl i'r ysgol i dderbyn disgyblion sydd ag anghenion
corfforol oherwydd nid oes grisiau o fewn y campws ac mae'r iard
yn wastad.Fodd bynnag mae'n ddisgwyliedig bod yr ysgol yn trafod
gyda'r AALl cyn derbyn plentyn ag anghenion corfforol er mwyn
asesu a yw'r ysgol yn addas gogyfer y plentyn.
POLISI CYSWLLT A RHIENI
Ein gobaith yw y byddwch yn cadw mewn cysylltiad
a'r ysgol er mwyn cael gwybodaeth am gynnydd eich plentyn.Cofiwch
fod croeso i rieni i'r ysgol bob amser ac ose gennych unrhyw
broblem yna peidwch a phetruso i gysylltu a'r staff neu'r Prifathro.
Mae croeso i ddarpar riant ymweld a'r ysgol ar ol gwneud y trefniadau
angenrheidiol gyda'r Prifathro.
ADDYSG GREFYDDOL
Cynhelir wasanaeth gristnogol dair gwaith yr wythnos yn rheolaidd a chynhelir myfyrdod/gwasanaeth Cristnogol byr bob bore.Bydd y gwsanaeth fel rheol o dan ofal y Prifathro ond o bryd i'w gilydd disgwylir i'r plant gymryd rhan trwy ddarllen, canu adrodd neu/a chwarae offeryn. Mae'r ficer yn cymryd un gwasanaeth yr wythnos.Mae'r hawl gennych chi i dynnu eich plentyn/plant allan o'r cyfnodau crefyddol ond disgwylir i chi anfon llythyr swyddogol i'r Prifathro yn esbonio'ch rhesymau.
YMWELIADAU / GWEITHGAREDDAU ALLGYRSIOL
Mae ymweliadau yn cael eu trefnu gan yr athro/athrawes ddosbarth sy'n clymu y rhain wrth thema'r ysgol. Trefnir ymweliad preswyl bob blwyddyn i blant blwyddyn 5 a 6. Mae'r ysgol yn cymryd rhan mewn gweithgareddau Urdd a chylch megis nofio, criced, rownderi, pel droed, pel rwyd, trawsgwlad, chwaraeon potes, mabolgampau ac eisteddfodol. Cynhelir clwb Urdd a chlwb cyfrfiaduron i ddisgyblion blwyddyn 2 ar ol oriau ysgol. Trefnir teithiau diwrnod neu yweliadau addysgol yn rheolaidd, pryd y gofynnir efallai am gyfraniad gwirfoddol.
GWAITH CARTREF
Gosodir gwaith cartref tair gwaith yr wythnos
yng Nghyfnod Allweddol Dau a disgwylir i ddisgyblion ym mlynyddoedd
3,4,5,a 6 i wneud un cywaith bob tymor ar bwnc penodl e.e. maes
hanesyddol . Disgwylir iddynt hefyd i ddysgu gwaith ar gyfer profion
sillafu a thablau rheolaidd.Yn ychwanegol gosodir gwaith unigol
penodol i ddisgyblion addysg arbennig. Gosodir gwaith ychwanegol
ar gais rhieni ac anogir y disgyblion i ddarllen adref. Mae croeso
i bob disgybl i fenthyg llyfrau o'r ysgol
Anogir plant yn nosbarth y babanod i fynd a llyfrau darllen adref
yn gyson a gosodir gwaith cartref yn rheolaidd yng Nghyfnod Allweddol
Un.
Dylid nodi bod yr ysgol yn medru disgwyl i rieni dalu am unrhyw
adnodd/llyfr sydd yn dychwelyd i'r ysgol mewn cyflwr annerbyniol.
ASESU
Gwneir asesiad barhaol gan athrawon.Asesir disgyblion yn ol Gwaelodlin y Sir wrth ddechrau'r ysgol ac ym mhynciau craidd y Cwricwlwm Cenedlaethol ar ddiwedd Cyfnod Allweddol 1 a 2 pan fyddant yn 7 ac 11 oed.Cynhelir noson rhieni swyddogol unwaith y flwyddyn (Gorffennaf) a gosodir/adolygir targedau personol gogyfer y plant yn y cyfarfodyd hyn.Anfonir adroddiadau ysgrifenedig i bob rhiant yn flynyddol .Cedwir plygell yn cynnwys engreifftiau o waith plentyn gyda chofnod o'i ddatblygiad.Asesir gwaith y plant yn rheolaidd a diwygir y blygell yn gyson.
CYFLE CYFARTAL
Hyrwyddir a cheisir sicrhau cyfle cyfartal i bob plentyn heb ysyried anabledd, cefndir ethnig, iaith na chrefydd ble mae'n bosibl ond ar adegau rhaid cydymffurfio a rheolau'r cylch ar belrwyd, mabolgampau a.y.y.b.
ADDYSG RYW
Yn ysgol Pennant ni fydd Addysg Rhyw yn cael
ei ddysgu mewn ffordd uniongyrchol ond fe'i cynhwysir yn hytrach
yng nghynnwys Cwricwlwm Cenedlaethol yn gyffredinol.Ar y dechrau
gall y plant gael y wybodaeth am y gwhaniaethau syml rhwng y ddau
ryw, ond dylid gwneud hyn mor naturiol ag y bo modd gan ddibynnu
ar sensitifrwydd y plentyn unigol.Bydd rhai plant, hyd yn oed
ar lefel ysgol gynradd,yn gwybod ac yn deall mwy na'r disgwyl
arferol am atgynhyrchu.Mae gan blant felly agwedd aeddfed at y
pwnc.
Mewn achosion o'r fath os bydd unrhyw blentyn yn codi'r pwnc,
gwell bod yn agored a gonest na chael yr annifyrwch o geisio osgoi'r
pwnc neu geisio gwadu gwybodaeth.
* Noder dylai'r rhieni hysbysu'r Prifathro yn ysgrifenedig, os
dymunant eithro eu plant o'r trafodaethau a gynhwysir uchod.
GOFAL BUGEILIOL
Y Prifathro sy'n rheoli'r trefniadaeth fewnol,
cwrs addysg, rheolaeth a disgybliaeth yr ysgol. Mae'r athro/athrawes
yn gyfrifol am les ac addysg ei ddosbarth/dosbarth. Pan fydd y
plant yn sal neu wedi cael damwain hysbysir y rhieni amdani ac
os bydd angen aiff un o'r staff ag ef/hi at y meddyg lleol. Ni
chaniateir i blentyn adael yr ysgol yn gynnar heb gais oddi wrth
y rhieni.
Bydd cyfrifoldeb y prifathro a'r athrawes/athro am y plant yn
cychwyn am 8:50 y bore ac yn dod i ben am 3:40 y prynhawn.
POLISI CAMDRIN PLANT
Pan geir tystiolaeth mewn achos o gamdrin plant dyletswydd y prifathro yw dilyn canllawiau yr Awdurdod drwy hysbysu'r adrannau priodol.
Yr oruchwylwraig ganol dydd sy'n gyfrifol am y plant yn ystod yr awr ginio.Mae'r person yma yn adrodd unrhyw bryder yn syth i'r athro a gofal neu i'r prifathro.
DAMWEINIAU A MODDION
Os caiff disgybl ddamwain yn yr ysgol, caiff driniaeth gan yr athrawon (yn ystod yr awr ginio mae'r staff ategol yn gyfrifol am ddiogelwch y disgyblion).Pe bai'r ysgol yn methu dod i gysylltiad a'r rhieni, yna bydd rhaid mynd a'r disgybl i'r ysbyty neu at y meddyg ac yna dod i gyswllt a'r rhieni/gwarcheidwad.
Ni chaniateir i athrawon roddi moddion i blant
ond trwy gytundeb
rhiant.Caniateir i rieni/gwarcheidwad ddod i'r ysgol yn ystod
yr awr ginio i roddi moddion i'w plant eu hunain.
GWASANAETHAU CEFNOGOL
Mae'r Gwsanaeth Iechyd i Blant Ysgol yn cynnwys:
-
a) Archwiliad meddygol.
b) Profion gweld,clywed a siarad.
c) Gwsanaethau nyrsio.
CINIO YSGOL
Mae prydau bwyd yn cael eu darpau gyda'r arian cinio yn cael ei
gasglu bob bore dydd Llun.Os ydych chi o'r farn y gellwch gael
prydau rhad,yna gofynnwch am y ffurflenni perthnasol o'r swyddfa
Addysg.
Cost y pryd bob dydd ar hyn o bryd yw-
Os oes plant yn dymuno dod a bwyd eu hunain,
gallant wneud felly a byddant yn cael eu goruchwylio fel y plant
eraill.
Arolygir y prydau bwyd gan yr oruchwylwraig/wr.
ARIAN YR YSGOL
Awrgrymwn na ddylai disgyblion ddod ag arian i'r ysgol,heblaw am arian i brynu ffrwyth o'r Siop Ffrwythau amser egwyl (disgyblion Cyfnod Allweddol 2 sy'n gyfrifol am gynnal a rhedeg y siop).Mae'r ffrwyth yn costio rhwng 10c a 30c.Er mwyn sicrhau na fydd colledion pan adewir yr arian mewn bagiau neu desgiau.Pan fydd angen i blentyn ddod ag arian cinio, nofio a.y.y.b.dylid dangos enw'r plentyn ar yr amlen,pwrs neu waled.
DILLAD YSGOL
Anogir y plant i wisgo gwisg ysgol sef :-
Merched
Bechgyn
Crys chwys yr ysgol Crys chwys
yr ysgol
Sgert/Trowsus glas tywyll Trowsus glas tywyll
Crys polo coch (haf) Crys polo coch
(haf)
Gellir archebu Crysau chwys a Chrysau polo drwy'r ysgol.Deliwn gyda chwmni 'School Trends' a chewch y pris wrth archebu.
ADDYSG GORFFOROL
Dylai disgyblion wisgo dillad addas ar gyfer ymarfer corff a chwaraeon.
Crys-T Siorts Esgidiau chwareon addas
Os derbynnir dillad tim gan ddisgyblion dylent eu dychwelyd i'r ysgol ar ol y gem wedi eu golchi.
*Buasai dangos enw'r disgybl yn eglur ar ei ddillad yn hwyluso newid ar ol ymarfer corff/nofio.Ni chaniateir i blant wisgo gemwaith yn ystod y gwersi Addysg Gorfforol
CHWAREON
Mae chwareon ac Addysg Gorfforol yn bwysig iawn yn yr ysgol.Mae'r plant yn derbyn gwersi wythnosol ac yn cymryd rhan mewn cystadleuaethau'r cylch a'r Urdd os yn bosibl bob blwyddyn.Cyn cystadlu, anogir y plant i ymarfer eu sgiliau mewn sesiynau ymarfer.Anogir rhieni i gyfrannu/cynorthwyo yn yr ymarfer ychwanegol.Mae'r plant yn derbyn wers nofio neu cyfnod yn y ganolfan hamdden bob wythnos.Bws sydd yn mynd a'r plant i Aberaeron ac nid oes tal am y cludiant. Mae'r plant yn cynrychioli'r ysgol mewn amryw o gystadleuaethau cylch a sirol.
GWEITHGAREDDAU'R YSGOL
Dyma rai o weithgareddau'r ysgol
Gymdeithas Chwaraeon Cylch Aeron
Adran yr Urdd (Cwrdd yn yr ysgol o 3:30yp-4:45yp ar ddydd Iau)
Clwb Cyfrifiaduron i blant blwyddyn 2 (Cwrdd yn yr ysgol o 3:30yp-4:30yp
ar ddydd Mercher
Cyngherddau ysgol/Panto'r ysgol a gynhelir yn Theatr Felinfach
Gwsanaeth Gwyl Gynhaeaf a gynhelir yn yr eglwys neu'r capel Cystadleuaethau
Llenyddiaeth / Technoleg
Gweithgareddau cefnogi elusennau
Eisteddfod Gwyl Dewi
Caiff y disgyblion brynu pop a chreision yn y clybiau ar ol ysgol am 25c.
ADNODDAU'R YSGOL
Mae'r adnoddau canlynol ar gael yn yr ysgol :-
Cyfrifiaduron gyda chysylltiad rhyngrwyd
Prosesyddion Geiriau
Teledu lliw
Fideo/DVD
Llungopiwr
Chwaraewyr Casetiau
Camera/Camera digidol
Cyffyrddell
Alweddellau
Bwrdd Gwyn Rhwngweithredol
Amryw adnodd bynciol
GWERSI OFFERYNNOL
Os dengys blentyn ddiddordeb a gallu anogir hi/fe i chwarae offeryn.Mae'r ysgol yn talu am nifer o athrawon arbennigol i ymweld a'r ysgol ond hefyd mae'r ysgol yn codi tal ychwanegol o £30:00 y flwyddyn er mwyn prynu rhagor o amser gogyfer y gwersi.Disgwylir i'r plant ymarfer yn gyson ac asesir eu cynnydd ac ymroddiad yn gyson.
CRONFA'R YSGOL
Mae;r Gymdeithas yn rhedeg Clwb 100 ac yn cwrdd o leiaf unwaith y tymor i drefnu gweithgareddau yn ystod y flywyddyn i godi arian i'r ysgol.Defnyddir yr arian er lles eich plant.Gobeithwn y byddwch yn cefnogi'n frwd y gymdeithas hon.Defnyddir cronfa Cymdeithas Cyfeillion yr ysgol at bwrpas yr ysgol ac fe'i harchwilir ar diwedd pob blwyddyn ysgol.